Mga Kabalbalan sa Paghahanap ng Trabaho.

CHAPTER 4

"Mga Ungas at ang Lungsod ng Makati: Ang Muling Pagtutuos"

Ito ang kwento ng muling pagtutuos namin ng lungsod ng Makati dahil natuloy ang pinaplano naming walk-in sa BPI at sa iba pang kompanya sa Ayala ave. at sa Chino Roces ext. (a.k.a Pasong Tamo).

Napag-usapang magkikita-kita kme nila JP, Melbax, at Bojita sa Ayala station ng 8am para sabay sabay nang pumunta ng BPI. Sabi kasi ni Melbax e diretso nang interview at exam yun. Sobrang natuwa ako dahil nalaman kong meron palang FX na masasakyan galing samin papuntang SM Makati. Amazing! Hindi ko na kailangang mag MRT pa. Dumating ako ng Ayala-MRT ng mga 8:05 at nangungulit na sa text si Melbax ng "NASAN NA KAYO" na parang matatae na. Sa original na napag-usapan, e dadlawa lang kme ni Melbax ang sumipot. Dahil atat si Melbax, hindi na namin inantay si Bojita at JP at dumeretso na kme sa sakayan ng jeep papuntang Ayala ave. Buti naman at bihasa na kme dahil di na namin kinailangang gamitin ang mahiwagang mapa ni Melbax. Syempre, dahil beterano na si Melbax, sya ang pinauna ko papasok ng BPI. Dahil pro si Melbax, at mukha kameng mga mayayaman, ay dire-diretso kameng nakapasok sa BPI nang di tinatanong o hiningan ng ID ng mga guard. Diretso kami sa elevator papuntang 5th floor. Ito ang eksena sa elevator.




boyBPI 1: *pindot pindot

**Ilang minuto na ang nakalipas, hindi pa rin nagsasara yung pinto..

boyBPI 2: Baka hindi nadetect nung sensor...
Ako: ('ba.. sensor! susyal!)
girlBPI 1: Baka overload na tayo.
Ako: Tol, overload na daw.
Melbax: Gago.

Umalis yung ibang mga sakay ng elevator at sa wakas, nagpatuloy na rin ang aming paglalakbay papuntang 5th floor. Sa 5th floor matatagpuan ang HR department, pagkarating namin dito ay binigay namin sa manong guard yung resume namin at umupo na kami sa malambot na couch sa lobby. Maya maya pa'y tinawag na kami.

girlHR: Simon, Sinson....
Ako: Uy o! nauna pa tayo. Panis.

*Kasama ang iba pang nag-aapply dun ay sumama kami kay ateng HR dun sa HR room.

girlHR: Please fill-up the database over there (sabay turo sa dalawang computer) and you may go. Just wait for our call for your scheduled interview.
Melbax: Ba't ganun? diretso nman dati a...
Ako: Akala mo lang yun.

*Dahil kami ang naunang tinawag, sabay na kame ni Melbax na pumunta sa computer. Para meron akong pagtawanan sakaling pumalpak si Melbax, pinauna ko na sya.

Melbax: (*pinagbubura ang mga nakasulat sa database). Tol anong date nga ngayon?
Ako: 17 ngayon.
Melbax: *type type..  Pano nga yung "ñ" tol?
Ako: Pucha hindi mo alam? Alt+164 yun.
girlHR: Ah. Excuse me (nakatingin sakin). You can use the other computer.
Ako: Ok. hehehe. *sabay kamot ulo

Ginawa ko rin yung ginawa ni Melbax. Bura muna ng mga nakasulat at nagtype. Nung patapos na ako ay may napansin akong nakasulat sa may taas na bahagi ng screen.

Instructions:
Step 1: Click "new record"
Step 2: Fill up the necessary information
Step 3: Click "save data"

Natigilan ako at nagtanong kay Melbax.

Ako: Tol, nabasa mo ba yung instructions?
Melbax: Anong instructions? Meron ba?
Ako: Yun o *sabay turo sa screen. Napindot mo ba yung "new data"?
Melbax: Hinde. Kaw ba?
Ako: Hindi rin.
Melbax: Puta. Ulit.

Ang karaniwang nasa 2mins na pagffill-up ng form e inabot kami ng mga 7-10mins, salamat sa katangahan ng hindi pagbasa ng instructions. Bukod sa katangahang ito e pinagkukwentuhan narin namin si EJ the manager na sana nagparefer nlang kami sa kanya para hindi kami masyadong mahirapan. Pagkatapos namin magtype, e tumayo na kami at dumeretso sa lobby para maupo sa malambot na couch. Yung dating aapat na aplikanteng nagaantay e nasa 9 na at mukhang mga badtrip sa kaaantay dahil antagal namin. Pagkaupo sa couch e pinagusapan namin kung aantayin pa namin si Bojita. Dahil nalaman naming nsa Muntinlupa pa si Boji e umalis nalang kami at dumeretso ng Ayala Triangle para magiwan ng resume. Pagkalabas ng BPI...

Melbax: Tol LKG tower o. hahaha
Ako: Taenamo.

Namangha ako pagkadating sa Ayala Triangle dahil yun lang ang building na nakita ko bukod sa airport na may x-ray machine sa entrance. Sa lobby, makikita mo ang listahan ng mga kompanyang nandoon sa building at karamihan e may connected sa finance at stock market. Sa dinami-dami ng kompanya dun e dadalawa lang ang pinasahan ko ng resume. Nagulat ako dahil may mga kompanya pala na nakakatawa ang pangalan, merong tunog pamboldstar at meron ding tunog droga (tulad ng chongkee). Pagkatapos magpasa ng resume ay lumabas na kame at naglakad papuntang Greenbelt para tumambay habang inaantay si JP na kagigising lang pala nung tinext ni Melbax. Medyo mahaba-haba rin ang nilakad namin dahil medyo malayo ang Ayala Triangle sa Greenbelt. Habang naglalakad e medyo marami rami ring kabulastugan ang napagkwentuhan namin, may mga pangago, meron ding seryoso. Nagsimula ang isang interesanteng topic dahil sa reklamo ko (as usual).

Warning ulit: Medyo seryoso ang dialogue na to at hindi nyo aakalaing dalawang ungas ang nagkukwentuhan dito. Kahit ako e hindi rin makapaniwala. Nga pala, wala akong intensyong magsimula ng debate o away. Ang mga ito ay opinyon ko lamang. Pasensya nalang sa tatamaan. Peace tayo! :)

Ako: Bwisit na kabatch ko yan. Tinanong kasi ako kung may trabaho na ko.
Melbax: Ano namang bwisit dun? O, anong sinabi mo?
Ako: Syempre, wala. Wala naman talaga eh. Sagot ba naman e "Bakit wala? Wala ka namang board exam a. Ba't wala ka pa ring trabaho?!" Taenangyun.
Melbax: Ahh... Nurse ba yan? Marami rin kasi akong kabatch na nurse e. Halos lahat nag-aabroad.
Ako: Oo. Bwisit, akala mo andaling maghanap ng trabaho.
Melbax: Wooh. Naiinggit ka lang tol. E di magabroad ka rin! hahahaha
Ako: Bakit ako magaabroad? Mas kailangan tayo dito tol. Iskolar tayo ng bayan tol. Dapat magserve tayo dito. Pera ng gobyerno pinang aral sa'tin kaya may utang na loob tayo dito. Bakit natin uunahin ang abroad na yan? Pwede naman tayo pumuntang ibang bansa para magbakasyon pagkatapos natin magpayaman dito.
Melbax: EMO ka gago! Maglaslas ka na! hahahaha. Sabagay. Ganun ginagawa ng mga Koreano, papayaman sa kanila tapos maglalakwatsa dito sa'tin. 'Yaan mo na yung mga yun tol, pera naman ng mga magulang nila yung pinang-aral sa kanila kaya bahala sila kung san sila pupunta. E anong sinagot mo dun sa kabatch mo?
Ako: "Hehe".

Matapos ang ilang minutong makabagbag-damdaming paglalakad e nakarating rin kami sa Greenbelt. Dito mo makikitang naglalakwatsa ang mga foreigner, mayaman, artista, susyalero't suyalera, at mga feeling susyal, tulad namin. Hindi naman halata na mga hamak na ungas lang kami dahil sa disente naming suot: Longsleeves con black pants ala leather shoes. Sa kahahanap namin ng mauupuan e napadpad kame sa Seattle's Best. Susyal no? Ang sarap umupo dun, dahil anlambot ng couch. Dahil susyal kame, wala kaming inorder. Nagsight seeing lang kame. Siyempre, dahil likas kameng kupal, ito ang ilan sa mga nakita namin.

Scene 1: Tatlong lalake, dalawang pinoy at isang foreigner.
Ako: Tingnan mo yun tol o. Yan ang businessman tol!
Melbax: Oo nga no. Mukhang gumagawa sila ng deal tol.
Ako: Oo nga. Siguro droga yan. Mukhang adik yung isa e. hahahahaha

Scene 2: Dalawang foreigner na magkaholding hands.
Melbax: Yun o! O panis ka! Bochog yung lalaki pero panalo yung babae o! hahaha.
Ako: Napanood ko na yan.
Melbax: Wasak wasak yan tol.
Ako: Malamang.

Scene 3: Isang foreigner at isang pinay na babae.
Melbax at Ako: *with blending. Alam na!

Scene 4: Apat na babae, isang nanay, isa pang babae, bata, at katulong.
Ako: O talo pala tayo dun sa maid tol e. May uniform! Tayo nga sa UP walang uniform e. Pumapasok nga ko ng nakapambahay eh. Wala pang ligo minsan kung late na. hahaha
Melbax: 'Ba... Oo nga no. bigtime! Tingnan mo o, hinahabol pa yung alaga nya. Maraming ganyan tol dun malapit sa tinitirhan ng mista ng ate ko tol.

Matapos ang ilang minuto at ilan pang pangungupal ay nakatanggap kami ng text sa cellphone ni Melbax na nakascotchtape at nakahati yung screen mula kay JP. Nasa SM na daw sya. Pinuntahan agad namin si JP, at dahil tanghali na e kumain na rin kame sa food court. Ang sumunod na pinagwalk-in-an namin ay mga hilera ng kompanya sa Don Chino Roces ext. (a.k.a. Pasong Tamo). Ilan sa mga napuntahan namin ay Glaxo Smith Klein, Volvo, Nissan, Toyota, at Mead Johnson. May mga eksenang naganap sa Toyota. At naeexcite ako ng ikwento sa inyo yun. Pero tinanatamad na ko. Tsaka nalang. Natapos ang araw ng parang telenovela. Dahil malapit lang yung Mead Johnson e naglakad nalang ako pauwi habang umuulan. Naka-corporate attire with matching payong, habang umuulan. O diba? Parang pang koreanovela? Kulang nalang e leading lady na tumatakbo... palayo. hahaha.